പ്രഭാത സവാരിക്കിടെ നിയന്ത്രണം വിട്ട കാർ ഇടിച്ച് അധ്യാപകന് ദാരുണാന്ത്യം.

കുന്ദമംഗലം: പതിമംഗലം കയറ്റത്തിൽ വെച്ച് നിയന്ത്രണം വിട്ട കാർ ഇടിച്ച് അധ്യാപകന് ദാരുണാന്ത്യം. ഫാറൂഖ് നല്ലൂർ നാരായണ സ്കൂളിലെ അധ്യാപകനായ ഹവ്വതോട്ടിൽ രാജു മാസ്റ്ററാണ് മരണപ്പെട്ടത്. 47 വയസ്സായിരുന്നു.

ഇന്ന് പുലർച്ചെ 6.30ന് ആണ് അപകടം. പ്രഭാത സവാരി കഴിഞ്ഞ് റോഡരികിൽ നിൽക്കുകയായിരുന്ന രാജുവിനെ നിയന്ത്രണം വിട്ട് വന്ന കാർ ഇടിക്കുകയായിരുന്നു. കൂടാതെ മറ്റൊരു സ്കൂട്ടറിനും ഇടിച്ചു പരിക്കേറ്റു. ഡ്രൈവർ ഉറങ്ങിപ്പോയതാണ് അപകടത്തിന് കാരണം എന്നാണ് പ്രാഥമിക നിഗമനം.

ഭാര്യ: ജിഷ, കോഴിക്കോട് പാസ്പോർട്ട് ഓഫീസിൽ ജോലി ചെയ്യുന്നു.

മക്കൾ: അനുവിന്ദ് ,അഭിനവ്