കാരശ്ശേരി ചോണാട് സ്വദേശി ഇബ്നു ഫിൻഷാദ് ആണ് ആക്രമണത്തിനിരയായത്. ബൈക്കില് കാര് തട്ടിയതിനെ ചോദ്യം ചെയ്തതിനാണ് അദ്ദേഹത്തെ ആക്രമിച്ചത്. തുടർന്ന് ഉണ്ടായ വാക്കേറ്റത്തിൽ ഈങ്ങാപ്പുഴ സ്വദേശികളായ ഷാമിലും ജംഷീറും ചേർന്ന് ഇബ്നുവിനെ കാറിന്റെ ബോണറ്റിൽ കയറ്റി വലിച്ചിഴച്ചു. സംഭവം മൊബൈൽ ഫോണിൽ പകർത്തിയ ദൃശ്യങ്ങൾ സമൂഹമാധ്യമങ്ങളിൽ വൈറലായി.
സിസിടിവി ദൃശ്യങ്ങൾ പ്രകാരം, ഇബ്നു കാറിൽ നിന്ന് വീണയുടൻ പ്രതികൾ ഇവിടെ നിന്ന് കടന്നുകളയുകയായിരുന്നു. പൊലീസ് നടത്തിയ അന്വേഷണത്തിൽ പ്രതികളെ പിടികൂടി. പരിക്കേറ്റ ഇബ്നുവിനെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു.