മുല്ലപ്പെരിയാര് അണക്കെട്ടില് നിലവില് ആശങ്കയില്ലെന്ന് ജലവിഭവ മന്ത്രി റോഷി അഗസ്റ്റിന്. മുല്ലപ്പെരിയാറില് പുതിയ ഡാം വേണമെന്നതാണ് സര്ക്കാര് നിലപാട് അനാവശ്യ പ്രചാരണങ്ങള് ഒഴിവാക്കണം. ഡാം തുറക്കേണ്ടി വന്നാല് മതിയായ മുന്കരുതലുകള് സ്വീകരിക്കുമെന്ന് മന്ത്രി അറിയിച്ചു.
മുല്ലപ്പെരിയാറില് ജലനിരപ്പ് ഇന്ന് 130 ആണ്. കഴിഞ്ഞ 28 ന് ശക്തമായ മഴയുണ്ടായപ്പോള് അണക്കെട്ടിലെ ജലനിരപ്പ് 131.6 വരെയെത്തി. ഇപ്പോള് ജലനിരപ്പ് കുറഞ്ഞു വരുന്ന സ്ഥിതിയാണ് നിലവിലുള്ളത്. ഇടുക്കി ഡാമില് ജലനിരപ്പ് 2367 ആണ്. റൂള് കര്വ് പ്രകാരം 2386.8 വരെ പോകും. അതായത് 20 അടിയുടെ വ്യത്യാസമുണ്ട്. 2403 ആണ് മാക്സിമം കപ്പാസിറ്റിയെന്ന് മന്ത്രി പറഞ്ഞു.