കട്ടിപ്പാറ : കനത്ത മഴയെ തുടർന്ന് കട്ടിപ്പാറ ഗ്രാമപഞ്ചായത്തിലെ ചമൽ പൂവൻമല ഭാഗത്ത് വീടിന്റെ സംരക്ഷണ ഭിത്തി ഇടിഞ്ഞു. ചീനത്താംപൊയിൽ സ്വദേശി കുമാരന്റെ വീടിന്റെ സംരക്ഷണ ഭിത്തിയാണ് ഇന്ന് രാവിലെ തകർന്നത്.
തുടർച്ചയായ മഴയെ തുടർന്നാണ് സംരക്ഷണ ഭിത്തി ഇടിഞ്ഞുവീണത്. ഇതോടെ വീടിന് അപകടഭീഷണി നിലനിൽക്കുന്ന സാഹചര്യമാണുള്ളത്. കൂടുതൽ മഴ ലഭിച്ചാൽ മണ്ണിടിച്ചിലിനും വീടിന് കൂടുതൽ നാശനഷ്ടമുണ്ടാകാനുമുള്ള സാധ്യതയുണ്ടെന്ന് പ്രദേശവാസികൾ ആശങ്ക പ്രകടിപ്പിച്ചു.
സംഭവത്തിൽ ബന്ധപ്പെട്ട അധികൃതർ സ്ഥലത്തെത്തി പരിശോധന നടത്തി ആവശ്യമായ സുരക്ഷാ നടപടികൾ സ്വീകരിക്കണമെന്നും കുടുംബം ആവശ്യപ്പെട്ടു. മഴ തുടരുന്ന സാഹചര്യത്തിൽ പ്രദേശത്ത് ജാഗ്രത ശക്തമാക്കിയിട്ടുണ്ട്.