തൃശൂര്: പൂരം വെടിക്കെട്ടിന് അനുമതി. വെടിക്കെട്ടിന് കേന്ദ്ര ഏജന്സിയായ ‘പെസോ’യാണ് അനുമതി നല്കിയത്. കുഴിമിന്നലിനും അമിട്ടിനും മാലപ്പടക്കത്തിനും അനുമതി നല്കിയിട്ടുണ്ട്. മെയ് 11ന് പുലര്ച്ചെയാണ് വെടിക്കെട്ട്. മെയ് എട്ടിനാണ് സാമ്പിള് വെടിക്കെട്ട്.
കോവിഡ് മാനദണ്ഡങ്ങള് പാലിച്ച് തൃശൂര് പൂരം നടത്താന് കഴിഞ്ഞ ദിവസം ദേവസ്വം മന്ത്രി കെ രാധാകൃഷ്ണന്റെ നേതൃത്വത്തില് തിരുവനന്തപുരത്ത് ചേര്ന്ന യോഗത്തില് തീരുമാനമായിരുന്നു. കോവിഡ് നിയന്ത്രണങ്ങളില് ഇളവ് വന്ന സാഹചര്യത്തില് എല്ലാ ചടങ്ങുകളോടും കൂടി പൂരം നടത്താന് തീരുമാനിച്ചത്.