ഷിരൂർ : ഷിരൂരിൽ കാണാതായ ലോറി ഡ്രൈവര് അര്ജുനെ കണ്ടെത്താൻ മത്സ്യത്തൊഴിലാളി ഈശ്വര് മല്പെ ഗംഗാവലി പുഴയില് ഇറങ്ങി നടത്തിയ പരിശോധനയില് ലോറിയുടേതെന്ന് സംശയിക്കുന്ന ലോഹ ഭാഗം കണ്ടെത്തി. ലോറിയില് ഉപയോഗിക്കുന്ന ജാക്കിയാണ് കണ്ടെത്തിയതെന്നും ഇത് അര്ജുൻ ഉപയോഗിച്ചിരുന്ന ലോറിയുടേത് തന്നെയാണെന്നും ലോറി ഉടമ മനാഫ് പറഞ്ഞു.
പുതിയ ജാക്കിയാണ് ലോറിയിലുണ്ടായിരുന്നത്. ഈശ്വര് മല്പെ മുങ്ങിയെടുത്തതും പുതിയ ജാക്കിയാണ്. അതിനാല് തന്നെ ഇത് അര്ജുന്റെ ലോറിയിലുണ്ടായിരുന്ന ജാക്കി തന്നെയാണ് ഇതെന്നും മനാഫ് പറഞ്ഞു. ഹൈഡ്രോളിക് ജാക്കിയാണ് പുഴയുടെ അടിത്തട്ടിൽ നിന്ന് കണ്ടെത്തിയത്.
ഗംഗാവലി പുഴയിൽ നൂറ് അടിയോളം ദൂരം ഈശ്വർ മൽപേ തിരച്ചിൽ നടത്തി. ഇന്നത്തെ തിരച്ചിൽ അവസാനിപ്പിച്ചു.നാളെ രാവിലെ 8:30 ഓടെ നാല് ഡൈവർമാർ കൂടി തിരച്ചിലിൽപങ്കാളികളാവും