നാൽപത്തിയൊന്നാം വാർഡിൽ നടത്തിയ പരിശോധനയിലാണ് വെളിച്ചെണ്ണ കുപ്പിക്കുള്ളിൽ ഒളിപ്പിച്ച നിലയിൽ ഹാഷിഷ് ഓയിൽ കണ്ടെത്തിയത്. ലഭിച്ച രഹസ്യവിവരത്തെ തുടർന്നാണ് പൊലീസ് പരിശോധന നടത്തിയത്.
അശ്വതിയുടെ ഭർത്താവ് നിലവിൽ ജയിലിൽ കഴിയുകയാണ്. ജയിലിൽ നിന്ന് ചികിത്സയ്ക്കായി മെഡിക്കൽ കോളജ് ആശുപത്രിയിലെത്തുന്ന തടവുകാർ വഴി ഭർത്താവിന് ഹാഷിഷ് ഓയിൽ കൈമാറാനായിരുന്നു യുവതിയുടെ പദ്ധതിയെന്നാണ് പൊലീസിന്റെ പ്രാഥമിക നിഗമനം.
അശ്വതിയെ വിശദമായി ചോദ്യം ചെയ്തുവരികയാണ്. സംഭവത്തിൽ കൂടുതൽ അന്വേഷണം തുടരുന്നതായി മെഡിക്കൽ കോളജ് പൊലീസ് അറിയിച്ചു.