താമരശ്ശേരി : ചമൽ നിർമ്മല യു.പി. സ്കൂളിൽ മൊബൈൽ പ്ലാനിറ്റോറിയത്തിന്റെ വിസ്മയ കാഴ്ചയൊരുക്കി. വിദ്യാർഥികൾക്ക് ആകാശ വിസ്മയം നേരിട്ട് കാണുന്നതിനും അറിവ് നേടുന്നതിനുമാണ് പ്രദർശനം ഒരുക്കിയത്.
പ്രദർശനോദ്ഘാടനം സ്കൂൾ ഹെഡ്മിസ്ട്രസ് ലിസി വർഗീസ് നിർവഹിച്ചു. എൽ.കെ.ജി. മുതൽ ഏഴാം ക്ലാസ് വരെയുള്ള വിദ്യാർത്ഥികൾ ആകാശ വിസ്മയ കാഴ്ചയിൽ പങ്കെടുത്തു.
പ്രപഞ്ച വിസ്മയങ്ങളും രഹസ്യങ്ങളും അനാവരണം ചെയ്ത ഡിജിറ്റൽ പ്ലാനിറ്റോറിയം മനോഹര ദൃശ്യങ്ങളും അറിവും വിദ്യാർത്ഥികൾക്ക് പകർന്നു. 3ഡി സാങ്കേതികവിദ്യയും വളരെ ശ്രദ്ധേയമായി. പി.ടി.എ. പ്രസിഡന്റ് നൂറുദ്ധീൻ,പി.ടി.എ. എക്സിക്യൂട്ടീവ് അംഗങ്ങൾ എന്നിവർ ആകാശ വിസ്മയ കാഴ്ച നേരിട്ട് വീക്ഷിച്ചു.